Imisu Patre, hu yu sen in Janatu:
Yusu name am besantogi.
Yusu wangudom am ata.
Yusu vole am befale
denpul in Dunya kom in Janatu.
Am gibe tas imi nundin imisu moydinli roti.
ji am mafu imisu malfale
denpul kom imi mafu ete hu da malfale anti imi.
Ji am no lide imi cel in yoho,
mas am hurugi imi of burya.
Koski yusu to sen wangudom
ji kowa, ji dayxerafu
dur he moywatu.
Amen
Per total Dunya hay un basa ji un pala. Durki ete dao hoy dongu, ete ewreka pangu-geo in dexa Xinar, ji ete xorogar denloka.
Ete loga soho, “Am ata, imi am fale ituka, ji imi atex oto finfe na sen jumbi.” Ete hare ituka fe tayti fe petra, ji ete yongu taru fe tayti fe milatu.
Ete loga, “Am ata, imi am kostrui tas imi xaher ji towa hu dasu kapi dadal asman, ji imi am supraidi cel xohra, fe kaso ki imi discu in alodexa per total Dunya.”
Teo infraidi cel na oko xaher ji towa hu juniinsan le kostrui da.
Teo loga, “Am oko, ete sen un demo, ji moyete hare un basa, ji hinto sen dento hu ete xoru na fale da. Fe nunya, nilto hu ete nyatu na fale da xa bepossahay. Am ata, imi am infraidi, ji denloka imi am disordenu etesu basa, celki ete no abil na soho aham etesu pala.”
Fe folo, Teo disgi ete cel in alodexa xorfe denloka per total Dunya. Ete esto na kostrui xaher.
Fe folo, ren namegi tas to Babel, koski denloka Teo disordenu basa de total Dunya. Xorfe denloka, Teo disgi ete per total Dunya.
Gao Senyor, am sengi mi tul fe yusu xanti.
Denloka hu hay nefra, mi am plasi lubi.
Denloka hu hay malfale, mi am plasi mafu.
Denloka hu hay posarmoni, mi am plasi armoni.
Denloka hu hay malxey, mi am plasi satiya.
Denloka hu hay xanka, mi am plasi xinen.
Denloka hu hay posonxala, mi am plasi onxala.
Denloka hu hay poslumin, mi am plasi lumin.
Denloka hu hay hazuniya, mi am plasi hoxya.
Gao Kef, mi am no xerca denkwanti na beanwi kom na anwi
na beaham kom na aham
na belubi kom na lubi
koski yon na gibe, imi taslum
yon na sewanji, imi ewreka
yon na mafu, imi bemafu
yon na morcu, imi rixencu cel in finikal jiwa.
Amen
Salom, Maria
Salom, Maria, pul fe teolutuf,
Gao Senyor sen ton yu.
Yu sen barakado intre femixu,
ji te sen barakado, fruta de yusu rahim, Yexua.
Santo Maria, Matre de Teo,
am kido pro imi, dambiyen,
fe nunya ji fe satu de imisu morcu.
Amen