Jaxnedin

Halowin

Hox Halowin!

Halowin asel of Samhain, daylama Kelti festival hu da le xoru lefe max kom 2000 nyan ji le marka fini de xuha ji xoru de bardimosem. Insan le imanu ki denwatu, byen intre jiwane insan ji moryen sencu dambo ki fe folo ruho abil na dolantan Dunya.

Dur discu de Kristoismo, hin cwenton le kombina ton Din de Moy Santoyen (din 1, mesi 11). Leaxam de den din le sencu konedo kom All Hallows’ Eve, hu da le bekurtogi xali cel Halloween (Halowin).

In Eskoti ji Eyre, nini le cwentonli labas kostum ji le idi of baytu cel baytu cel na lala, loga poema ji humorxey, or onexa maharaxey por jayeza denpul kom fruta, jozi or pesatoken. Insan le pia eskultur lenterna of xalgam fe tayti fe daykabaca.

Hijerayen of Eyre ji Eskoti le preporta multi to of hin cwenton cel Utara-Amerika, ji denloka Halowin le darajeli evolu cel dento hu imi kone da nundin: jaxne fe kostum, daykabaca ji cwenton fe na idi of baytu cel baytu cel na taslum kendi.